Larry wo mu mujyi wa Anderson, muri Indiana, yakatiwe iki gihano ku wa Gatatu, mu iburanisha ryabereye imbere y\u2019Umucamanza David Happe w\u2019Urukiko rw\u2019Akarere ka Madison. <\/p>\n

Uyu musore yari umwe mu bantu bane bashinjwe uruhare mu rupfu rwa Dayla Swain, umugore w\u2019imyaka 26 warashwe muri Gashyantare 2025 hanze y\u2019akabyiniro gaherereye mu mujyi wa Anderson, mu nkengero z\u2019umujyi wa Indianapolis. Abashinjacyaha bavuze ko abaregwa bari abanyamuryango b\u2019umutwe w\u2019abagizi ba nabi witwa Mickey Cobra Nation (MCN).<\/p>\n

Abashinjacyaha bavuze ko Dayla Swain atari we wari ugambiriwe kwicwa, ahubwo ko yishwe ubwo habaga igikorwa cyo kugerageza kwica undi muntu wari umuhamya w\u2019urundi rupfu rwabaye mbere.<\/p>\n

Bavuga ko urwo rupfu rwari rufitanye isano n\u2019iyicwa ry\u2019umusore w\u2019imyaka 15 witwa Jullian Craig, wishwe mu 2023 ubwo habaga igikorwa cyo kumwambura hakoreshejwe intwaro. Abashinjacyaha bavuze ko nyuma y\u2019urupfu rwa Craig, Larry na bagenzi be bafatanyije gutegura umugambi wo kwica umwe mu bantu bari bafite amakuru ku rupfu rwe.<\/p>\n

Icyo gikorwa cyabaye ku wa 2 Gashyantare 2025 hanze y\u2019akabyiniro Sonny Ray\u2019s nightclub i Anderson, ariko Swain wari utari we wari ugambiriwe ni we wahitanywe n\u2019amasasu.<\/p>\n

{{Igihano cy\u2019imyaka 100}}<\/p>\n

Urukiko rwakatiye Larry imyaka 50 y\u2019igifungo kubera ubwicanyi bwakorewe Dayla Swain, rumwongeraho indi myaka 50 kubera kuba umwe mu bagize umutwe w\u2019abagizi ba nabi. Ibyo byatumye igihano cye cyose kigera ku myaka 100 y\u2019igifungo.<\/p>\n

Rashawn Samuels, ufite imyaka 19 akaba yaraburanishijwe hamwe na Larry, na we yakatiwe imyaka 125 y\u2019igifungo. Yahawe imyaka 62 n\u2019igice kubera ubwicanyi ndetse n\u2019indi myaka 62 n\u2019igice kubera kuba mu mutwe w\u2019abagizi ba nabi.<\/p>\n

Ibiro by\u2019Umushinjacyaha wa Madison County byavuze ko amategeko ya Indiana afata imitwe y\u2019abagizi ba nabi nk\u2019ibikorwa bishobora guteza umutekano muke kurushaho, kubera ko ihuza ibikorwa by\u2019ubugizi bwa nabi, igashishikariza abandi kubigiramo uruhare ndetse rimwe na rimwe igakora ibyaha igamije inyungu cyangwa kugera ku ntego zayo.<\/p>\n

Larry na Samuels kandi bahamwe n\u2019ibyaha byo kugerageza kwica umuntu no gucura umugambi wo gukora ubwicanyi.<\/p>\n

Nubwo Larry yakatiwe imyaka 100, kuba yari ataruzuza imyaka 18 igihe icyaha cyakorwaga bituma amategeko ya Indiana amuha uburenganzira bwo gusaba ko igihano cye gisubirwamo n\u2019urukiko amaze nibura imyaka 20 afunzwe, atabanje gusaba uruhushya rw\u2019umushinjacyaha.<\/p>\n